Ba taun tu, Perintah udah meri ungkup 1.8 billion ringgit bagi ngatur pengawa nagang pemindah sereta ungkup servis pengerai ti bisi kaul enggau COVID-19.
Ba taun baru, penyamoau 1 bilion ringgit agi deka diberi bagi napi gelumbang ketiga COVID-19.
Â
Ungkup tu entara iya nyengkaum RM475 juta ringgit bagi meli rengka reagen, kit dikena meresa pengerai, enggau perengka guna ti ambis kelebih agi dikena Opis Menteri Pengerai tauka KKM,RM318 juta ringgit dikena nyendiaka perengka guna ngelindung diri PPE sereta hand sanitiser ngagai sida ti gawa di luan KKM, RM150 juta ringgit ungkup Ejensi Komiti Pengatur Penusah Ngenyit Negeri nyikap diri dalam mantu ngerintahka pengerekai igi penyakit Covid-19, Rm50 juta ringgit ungkup perengka guna bekal makmal sereta ubat di sepital Pengajar Universiti, sereta nambah perengka guna operasyen fasiliti ngeli, servis klinik nengah chara online enggau fasiliti zon peresa enggau termometer.
Â
Kenyau bulan Mac tu tadi, Perintah udah meri Elaun khas COVID-19 penyampau RM600 ringgit sebulan ngagai pengereja pengawa di luan KKM lalu tu deka dilanjarka nyentuk pandemik tu mujur dipunaska.
Â
Kelimpah ari nya, Perintah besetuju deka meri sechara one-off penyampau RM500 ringgit dikena ngenang budi raban pengereja di luan KKM ti dipelaba bisi 100 ribu iku pengereja pengerai.
