Sikar Bejalaika Program Outreach Betuchuk Vaksin
KUCHING, 25 Julai : Ukai siti pengawa ke mudah bejalaika Program Outreach betuchuk vaksin lebih agi ba menua ulu ti semina ulih bekenaka perengka pengangkut sungai.
Hari Sarawak: “Merintah Diri Empu, Perintah Diri Empu”
KUCHING, 22 Julai: 22 Julai 1963 iya nya Hari ti chukup besai reti ngagai rayat Sarawak.
Nama kebendar reti sehari tu enggau Hari Sarawak kena 22 Julai 1963?
Mayuh orang saru penemu sentang Hari Sarawak ti madahka ‘Kemerdekaan’ tang ba rayat Sarawak hari bulan nya nandaka Sarawak udah diberi kuasa megai perintah kediri empu.
Siku tebangkar sejarah sentang hari Sarawak, Sidi Munan madahka siti penyilap kitai mikir 22 hari bulan tujuh hari merdeka laban maya nya Sarawak keterubah ngatur pengawa bepilih megai perintah kediri.
“Hari tu patut dirami, tau begawai kitai. Nama kebuah? Laban nya keterubah diberi perintah queen megai kediri empu, ukai merdeka, ‘Self Rule, Self Government’. Nama kebuah diberi laban kitai bisi election (pengawa bepilih).”
Ku iya madah, Sarawak kena 22 julai 1963 agi dipegai Britain nyentuk ke Sarawak sama enggau numbuhka Malaysia kena 16 September 1963.
“Nyadi pengawa bepilih lalu diatur. Nya kebuah kitai bisi kepala menteri ti keterubah iya nya Kalong nyadi kepala menteri kena 22 Julai 1963” ku iya.
Projek ‘Waterfront Simanggang’ Ditaga Tembu Ogos Tu
KUCHING: Projek ‘Waterfront Simanggang’ benung bejalai enggau manah lalu ditaga tembu ba bulan Ogos tu.
Inisiatif Nyendiaka Palan Bedaja Mantu Raban Bumai Bekebun
KUCHINGi: Raban bumai bekebun entara ke balat tekeruga ba penatai pemisi, ke lebih agi sida ke nyual asil utai tanam, ketegal pandemik COVID-19.
261 Kes Positif Diripotka Di Sarawak
KUCHING, 18 Julai: Sarawak naka hari minggu ngeripotka kes Covid-19 bisi nurun iya nya 261 kes enti dibanding enggau kes maya Hari Enam.
Ba awak ke sama, siti kes pemati diripotka kena Hari Minggu.
Penyampau semua kes positif covid-19 di Sarawak nambah ngagai 71,300 kes.
Komiti Mutarka Penusah Ngenyit Nengeri (JPBN) Sarawak madahka, pelilih menua Kuching ngerikodka kes ti pemadu tinggi iya nya 130 kes, ditangkanka Sibu (31 kes), Sarikei (21 kes), Samarahan (18), Meradong (12),Bintulu (9), Beluru(8),Saratok (6) Asajaya(6),Miri (5), Kapit (5),Pakan (4), Bau (2), Subis (2), Serian(1), Tatau (1).
Sehari tu mega bisi 495 kes baru udah gerai sereta dikemendarka pansut ari sepital naka Hari Minggu.
Tu nyadika penyampau semua kes positif covid-19 ke udah gerai nambah ngagai 65,865 iku.
Nangkanka nya, dua kluster diripotka udah punas iya nya Kluster Jalan Usaha Jaya, Kuching enggau Kluster Tabuan Tranquility, Kuching.
JWKS Pelasar Negapka Raban Orang Indu
KUCHING, 18 Julai: Opis Orang Indu Enggau Ruang Bilik Sarawak (JWKS) diperambu deka ditumbuhka di Sri Aman ba baruh Opis Menteri Pengelantang Raban Bansa, Orang Indu, Ruang Bilik enggau Pemansang Anak Mit (KWKPK).
140 Peminta BIK Udah Dikemendarka Naka Julai 2021
KUCHING, 18 Julai: Naka bulan tujuh taun tu, bisi 140 peminta bagi bantu inisiatif pemati (BIK) udah dikemendarka ti beungkus RM420,000.00.
Projek Waterfront Sri Aman Dijangka Tembu Enda Lama Agi
KUCHING, 17 Julai: Projek Waterfront Sri Aman bejalai lanchar taja napi penanggul enggau disadang tembu enda lama agi.
Projek tu beungkus 12 juta ringgit ti dibagi ngagai tiga seksyen iya nya ‘Wharf ‘ (Palan Pesta Benak), Endur Pejalai Kaki enggau Pusat Kebudayaan.
Menteri Muda Pengelantang Komuniti, Datuk Francis Harden Hollis madah, Seksyen Pesta Benak diatu udah manggai 90 peratus tembu.
“Kereja ngaga seksyen ‘wharf’ udah 90 peratus enggau seksyen ‘Board Walk’ pan lebih kurang 90 peratus lalu seksyen ketiga Pusat Kebudayaan tauka ‘Section Culture Centre’ 74 peratus.”
“Nyadi kitai ngarapka seksyen keterubah ‘Wharf’ enggau ‘Board Walk’ deka tembu ujung Julai” ku iya lebuh ditelefon pengarang berita kena sehari tu.
Harden Ke Mega Kaban Council Nengeri (ADUN) Simanggang madah, penembu projek nya ila deka nyadi ‘mercu tanda’ baru mengeri Sri Aman.
Taja projek napi penanggul tang iya ngarap kunteriktor ulih mutarka pekara nya dikena nentuka projek bejalai enggau lanchar.
Ku iya madah, kunteriktor meri jamin ulih nembuka endur pejalai kaki kena 21 hari bulan tujuh enggau nyanggit atap begunan Pusat Kebudayaan abis laun ba ujung bulan Ogos tu.
Sama bisi datai, Walikota Opis Pelilih Sri Aman, Anthony Abell Chendan sereta pengari ari serikat kunteriktor enggau perunding projek.
Projek RTP Chakah Dipejalaika Di DUN Simanggang
KUCHING, 16 Julai: Projek Transformasyen Menua Pesisir (RTP) chakah dipejalaika di sitak DUN Simanggang ti ulih meri empas positif ba pemansang ekonomi rayat kandang endur nya.
Sukut Ekonomi, Peluang Kereja Kebuah Penama PATI
KUCHING, 16 Julai: Isu pengelikun garis entara menua Malaysia-Indonesia entara pekara ti dikemerat dikena nagang penama peranak menua luar ti nadai pemendar (PATI) lebih agi ba timpuh pengekai pandemik Covid-19.
