Ismail Sabri ngangkat sumpah nyadi Menteri Besai ke-9
KUCHING: Mandal Presiden UMNO Datuk Seri Ismail Sabri Yaakub sehari tu ngangkat sumpah nyadi Menteri Besai Malaysia kesemilan ba mua Yang di-Pertuan Agong Al-Sultan Abdullah Ri’ayatuddin Al-Mustafa Billah Shah.
Malaysia Nerima 200,000 Dos Vaksin CanSino
KUCHING, 20 Ogos; Malaysia deka nerima vaksin siti dos iya nya vaksin CanSino penyampau 200,000 dos ari pemekal CanSino Biologics, China sehari tu.
Tuai Direktor Pengerai, Tan Sri Dr Noor Hisham Abdullah ba laman media madahka vaksin nya deka datai dalam produk ke udah tembu.
“Sepenyampau 3.5 juta bekal dos vaksin CanSino lalu pengawa nganjung vaksin deka dipejalai bererenggat. Tu vaksin Covid-19 siti dos ti keterubah di Malaysia,”ku iya.
Vaksin CanSino udah datai ba Palan Penerebai Bilun Antarabangsa Kuala Lumpur (KLIA) urung pukul 7:50 pagi ngena bilun MAS kargo MH361 ari Beijing, China udah disambut Ketuai Sekretari Sains, Teknologi enggau Inovasyen (MOSTI), Datuk Dr Siti Hamisah Tapsir Ketuai Sekretari Opis Menteri Pengerai (Kkm), Datuk Mohd Shafiq Abdullah enggau Sapit Ketuai Sekretari (Pemansang Teknologi) MOSTI.
Naka ke diatu, vaksin ke diguna dalam program betuchuk vaksin Covid-19 ti udah dipejalaika ba bulan dua nyin tadi mungkur vaksin Pfizer-Biontech, Sinovac enggau Astrazeneca lalu ke diatu siti agi vaksin iya nya Johnson & Johnson udah bulih pemendar bepenetap .
Diatu Ukai Maya Bepolitik – Abang Johari
KUCHING,16 Ogos; Kepala Menteri Sarawak, Datuk Patinggi Abang Johari Tun Openg madah, diatu ukai maya ke patut bepolitik tang ngemeratka pengawa nagang pengekai igi penyakit Covid-19.
Muhyiddin Nyurutka Diri Nyadi Menteri Besai
KUCHING, 16 Ogos: Tan Sri Muhyiddin Yassin ba jaku pesan khas iya lemai tu madah nyurutka diri mangku pengawa nyadi menteri besai Malaysia kelapan.
Ku iya madah, pemutus nya digaga pengudah iya ti lenyau majoriti sukung ari kaban parlimen.
“Aku nyurutka diri nyadi Menteri Besai enggau semua kaban kabinet baka ke udah ditetapka ba Perlembagaan Persekutuan” ku iya.
Tu nyengkaum perambu iya ti deka nempa kerejasama bipartisan ti enda nerima sukung ari parti politik.
Sebedau tu, Muhyiddin ngatur aum khas kabinet kepenudi iya pagi tadi sebedau ke Istana Negara.
Harden Matau Sekeda Projek Pemansang Sitak Simanggang
KUCHING, 13 Ogos;Pemansang menua pesisir terus dikemerat seriris enggau juluk perintah deka ngangkatka agi tikas pengidup rayat lebih agi ba sitak Simanggang.
Peranak Indonesia Positif Covid-19 Lari Ari PKRC Udah Ditangkap
KUCHING 12 Ogos; Dua iku lelaki peranak Indonesia positif Covid-19 ti ngelarika diri ari Palan Kuarantin Enggau Perubat Covid-19 (PKRC) di Sri Aman udah mujur ditangkap polis.
Tuai polis pelilih Sri Aman, Dsp Bingkok John madah, dua saspek nya beumur 18 taun enggau 19 taun pesakit Covid-19 lari ari PKRC nya mujur ditemu urung pukul 11.10 pagi.
Dalam siti penerang, ku iya madah, urung pukul 11.10 pagi raban polis bejalaika pengawa matau ‘Op Kesan’ di Kampung Stumbin, Kilometer 18, Jalai Sri Aman-Lingga , lalu tetemuka dua lelaki nya enggau siku lelaki peranak menua tu ke beumur 15 taun ari Kampung Pangkat Stumbin, Sri Aman.
Kedua-dua saspek diserah ngagai raban Opis Menteri Pengerai Malaysia (KKM) ngambi ulih bejalaika atur ke patut.
Siku nembiak ke betemu enggau kedua-dua saspek nya diatu udah diengkah ba palan kuarantin.
Ku iya madah, kes nya agi ditasat.
Kes ditasat ba baruh Seksyen 269 Kanun Keseksaan enggau Seksyen 22 (b) Akta Nagang enggau Nyeliah Penyakit Berampit 1988
15 Rumah Panjai Enggau Ba Pekit Pemanah Rumah Panjai
KUCHING, 7 Ogos; Bisi 15 buah rumah panjai di pelilih menua Julau ngambi bagi dalam Pekit Pemanah Rumah Panjai beserimbai enggau ngerami pengerami Hari Malaysia kena 16 September tu.
Tiga Seksyen Projek Waterfront Simanggang Tembu 85%
KUCHING, 7 Ogos: Projek Waterfront Simanggang udah manggai 85 peratus tembu digaga.
Projek Jalai Ke Nanga Sepaya Udah Tembu
KUCHING, 5 OGOS: Juluk ati peranak rumah panjai Nanga Sepaya Ulu Engkari Di Lubok Antu deka bisi jalai alun udah nyadi nyata.
Penembu projek ngemanahka tikas jalai alun ngagai rumah David Ujan, Nanga Sepaya nya ti penyauh 1.5 kilometer ngemudahka peranak ari menua ulu ke pasar ti nadai begunaka perau agi nengah tasik Hidro Batang Ai, Lubok Antu.
Menteri Muda Pemansang Industri Sarawak, Datuk Malcolm Mussen Lamoh madahka, projek ti begunaka ungkus RM$60,000 nengah Duit Turu Kaunsil Ejensi Konsesi Kampung (LKWKKH) 2020 meri pemaik ngagai 579 iku peranak ti ngaul 60 pintu rumah Nanga Sepaya.
Berebak enggau nya, iya ke mega Kaban Kunsil Nengeri (ADUN) Batang Ai udah matau kediri projek jalai nya ngena helikopter, empai lama.
Ngarika semua peranak di rumah panjai Nanga Sepaya, Kunsilor David Ujan madahka lantang ati sereta beterima kasih enggau perintah ti udah nembuka projek nya.
“ Berasai nyamai lebuh mindah ke pasar pengudah bisi jalai enti dibanding enggau suba semina ngena perau nengah ai tasik hidro lebih agi enti maya malam. Tambah mega jalai tu udah ngurangka ungkus belanja bebelika minyak.”ku iya lebuh ditelefon pengarang berita sehari tu.
Ke penerang, projek jalai tu udah berengkah digaga kena 30 November 2020 enggau tembu kena 30 Jun 2021.
Ba awak ke sama, Projek Bekal Ai Alternatif Sarawak (SAWAS) ti beungkus RM4.5 juta di Nanga Sepaya diatu udah manggai 50 peratus tembu.
Lapan Hari Beperang Dalam Kampung Enggau Munsuh
KUCHING, 1 Ogos: Pengerami ngintu Hari Bujang Berani, hari ti besai reti lebih agi ngagai raban soldadu lama menua ti udah berambun nyawa ngetanka pengelikun menua.
Siku Bujang Berani Ex-koperal Kaya Anak Ngumbang kala nyadi Sarawak Ranger ba taun 1965 rambau menua benung sigau diketeruga raban penyelawai.
Mulaika pengingat nyerumba Hari Bujang Berani ti disambut kena 31 Julai ninting taun, dia Kaya nusui diri kala dibai beperang dalam kampung pengelama lapan hari enggau raban penyelawai parti komunis di Ipoh.
“Kami nitihka komunis, dua jam bejalai lalu betimbak enggau dalam sehari bisi dua tiga kali bisi betimbak udah nya empat jam betemu enggau pangan diri sebedau nerus nitihka komunis tang kami nadai nama-nama” ku iya.
Ku iya madah, tu keterubah operasyen sida ngelaban penyelawai enggau mayuh macham pemar ditapi sepemanjai sida ti besabung nyawa ngelaban munsuh.
Bisi sekali ku iya ngenang, iya tetinggal leka senapang gajah lalu nikal pulai ngambi taja benung dalam beperang.
“Kami ngili sungai ngena perau, niki bukit, bedarat, bejalai nitihka bekau kaki komunis”ku iya.
Ku iya, bisi ke mati kena timbak komunis lalu sekeda ke bukai beabis ati ngetanka diri besaup nyaga menua taja sekeda nyau enda teulih meletupka leka senapang.
Kaya Ngumbang nyemetak madahka iya endang sanggup beperang laban juluk ati ngetanka menua laban enti enda kitai sapa agi ulih ngetanka menua munyi ku jaku “ Agi Idup Agi Ngelaban”.
