Projek Waterfront Sri Aman Dijangka Tembu Enda Lama Agi
KUCHING, 17 Julai: Projek Waterfront Sri Aman bejalai lanchar taja napi penanggul enggau disadang tembu enda lama agi.
Projek tu beungkus 12 juta ringgit ti dibagi ngagai tiga seksyen iya nya ‘Wharf ‘ (Palan Pesta Benak), Endur Pejalai Kaki enggau Pusat Kebudayaan.
Menteri Muda Pengelantang Komuniti, Datuk Francis Harden Hollis madah, Seksyen Pesta Benak diatu udah manggai 90 peratus tembu.
“Kereja ngaga seksyen ‘wharf’ udah 90 peratus enggau seksyen ‘Board Walk’ pan lebih kurang 90 peratus lalu seksyen ketiga Pusat Kebudayaan tauka ‘Section Culture Centre’ 74 peratus.”
“Nyadi kitai ngarapka seksyen keterubah ‘Wharf’ enggau ‘Board Walk’ deka tembu ujung Julai” ku iya lebuh ditelefon pengarang berita kena sehari tu.
Harden Ke Mega Kaban Council Nengeri (ADUN) Simanggang madah, penembu projek nya ila deka nyadi ‘mercu tanda’ baru mengeri Sri Aman.
Taja projek napi penanggul tang iya ngarap kunteriktor ulih mutarka pekara nya dikena nentuka projek bejalai enggau lanchar.
Ku iya madah, kunteriktor meri jamin ulih nembuka endur pejalai kaki kena 21 hari bulan tujuh enggau nyanggit atap begunan Pusat Kebudayaan abis laun ba ujung bulan Ogos tu.
Sama bisi datai, Walikota Opis Pelilih Sri Aman, Anthony Abell Chendan sereta pengari ari serikat kunteriktor enggau perunding projek.
11 Perengka Pengangkut Belantak Ba Jalai Bintulu-Tatau
BINTULU, Julai 17: Kes penusah jalai alun ti nyadi ba jalai Bintulu-Tatau ngaul 11 buah perengka pengangkut.
Pegawai Bomba enggau Pengajar Besaup Meri Bantu Pemakai
BETONG, 17 Julai – Pengawa mantu raban ke napi penusah terus dipejalaika sekalika ari raban ari ejensi perintah, gerempung ukai dikuasa perintah tauka ari sesiku orang.
Penetap Penama Ke Bintulu Ditenduka JPBB Bintulu
BINTULU, 17 Julai – Komiti Mutarka Penusah Ngenyit Bagi Menua (JPBB) Bintulu udah nenduka penetap penama ke Bintulu.
Dua Agi Operasyen Judi ‘Online’ Mujur Dipuntanka
KUCHING, Julai 17: Dua agi premis palan operasyen judi nengah tali arus udah diperesa ngenyit raban polis.
