Search
Close this search box.
Search
Close this search box.
Razi (dua kiba) nerima tepa pengudah bejadika Pekit Lumba Ninting Taun diatur Sekula Primari (SK) Datuk Bandar Debak ba Padang Riveria Debak ditu pagi tadi.-Foto:TVS

Pengajar baru dikearap enda mantul dikangau ngajar di menua pesisir – Razi

DEBAK, 10 Okt: Sapit Menteri Pengelantang Indu, Nembiak Mit Enggau Pengelantang Komuniti (KPWKK) Sarawak, Mohd Razi Sitam ngarap raban pengajar ke baru diambi gawa tu ila enda mantul ati lebuh dikangau gawa ba sekula di menua pesisir Sarawak.

Ku iya, pemutus Opis Menteri Pelajar Malaysia (KPM) ti deka ngambi  sepenyampau 9500  iku pengajar baru di menua tu endang dianti-anti ngambika ulih mutarka isu suntuk pengajar.

“Kitai di Sarawak endang lama udah nganti pemutus ari Opis Menteri Pelajar Malaysia (KPM) ti deka proses endur pengajar baru ba sekula ba selampur menua tu baka dipadahka Menteri Pelajar iya nya sepenyampau 9500 iku lalu aku ngarap nya ulih nangkup pangku pengawa puang pengajar lebih agi di Sarawak.

“Enti ulih setengah ari penyampau nya dianjung ke Sarawak baka ba sekula menua pesisir,” ku iya.

Razi ke mega Kaban Kunsil Nengeri (ADUN) Saribas madah munyi nya lebuh dipinta meri timbal bekaul enggau penerang dipansutka Menteri Pelajar Malaysia Fadhlina Sidek ti madah KPM deka ngambi urung 9, 500 iku pengajar baru kena bulan November tu.

Tandu Razi, bala pengajar baru tu ila enda patut irau laban sekula di menua pesisir mayuh udah disikap enggau infrastruktur pemun ti menyana baka ba DUN Saribas.

“Tu nyengkaum ba sitak aku di DUN Saribas ke alai ari sukut logistik nadai penanggul laban semua nya udah datai jalai alun enggau infrastruktur pemun bukai baka telekomuniksyen, api enggau ai pan udah bisi.

“Kitai semua nemu ba Dun Saribas mega bisi 17 buah sekula agi betapi suntuk pengajar.

“Nya alai aku minta Opis Pelajar Malaysia (KPM) ngungkupka penyampau ke setipak enggau pengurang pengajar ba sitak aku (Saribas),” ku iya.

Razi nerangka pekara nya sepengudah bejadika Pekit Lumba Ninting Taun diatur Sekula Primari (SK) Datuk Bandar Debak ba Padang Riveria Debak ditu pagi tadi.-TVS

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

Berita Berkaitan